Breaking News
Home / ಇತ್ತೀಚಿನ ಸುದ್ದಿಗಳು / ಬಂಗಾರ, ಬೆಳ್ಳಿಯನ್ನು ಪ್ರಸಾದ ರೂಪದಲ್ಲಿ ನೀಡುವ ದೇಶದಲ್ಲಿನ ಏಕೈಕ ಮಹಾಲಕ್ಷ್ಮಿ ದೇವಾಲಯ ಎಲ್ಲಿದೆ ಗೊತ್ತಾ..!

ಬಂಗಾರ, ಬೆಳ್ಳಿಯನ್ನು ಪ್ರಸಾದ ರೂಪದಲ್ಲಿ ನೀಡುವ ದೇಶದಲ್ಲಿನ ಏಕೈಕ ಮಹಾಲಕ್ಷ್ಮಿ ದೇವಾಲಯ ಎಲ್ಲಿದೆ ಗೊತ್ತಾ..!

ಯಾವುದೇ ದೇವಸ್ಥಾನದಲ್ಲಿ ದೇವರ ದರ್ಶನದ ಬಳಿಕ ಭಕ್ತರಿಗೆ ಲಾಡು, ಪುಳಿಯೋಗರೆ, ಸಕ್ಕರೆ ಪೊಂಗಲ್‌ನಂತಹ ಪ್ರಸಾದ ನೀಡುತ್ತಾರೆ. ಆದರೆ ಈ ಆಲಯದಲ್ಲಿ ಮಾತ್ರ ಬಂಗಾರ, ಬೆಳ್ಳಿಯನ್ನು ಪ್ರಸಾದವಾಗಿ ನೀಡುತ್ತಾರೆ! ಹೌದು ಇದು ಅಕ್ಷರಶಃ ನಿಜ. ಮಧ್ಯಪ್ರದೇಶದಲ್ಲಿನ ರತ್ಲಾಂ ಜಿಲ್ಲೆಯ ಮಹಾಲಕ್ಷ್ಮಿ ಆಲಯದಲ್ಲಿ ಬಂಗಾರ ಮತ್ತು ಬೆಳ್ಳಿಯನ್ನು ಪ್ರಸಾದವಾಗಿ ನೀಡಲಾಗುತ್ತದೆ.

ಬಂಗಾರ ಮತ್ತು ಸೀರೆಗಳಿಗೆ ರತ್ಲಾಂ ಹೆಸರುವಾಸಿ. ವಿಂಧ್ಯ, ಸಾತ್ಪುರ ಪರ್ವತ ಶ್ರೇಣಿಗಳ ನಡುವೆ ನರ್ಮದಾ, ತಪತಿ ನದಿಗಳು ಸಮಾನಂತರವಾಗಿ ಪ್ರವಹಿಸುವ ಮಧ್ಯಪ್ರದೇಶದ ಇತಿಹಾಸ, ಸಾಂಸ್ಕೃತಿಕ ವೈಭವಕ್ಕೆ ನಿಲಯವಿದು. ಈ ಪ್ರದೇಶವನ್ನು ಪ್ರಾಚೀನ ಕಾಲದಲ್ಲಿ ಮೌರ್ಯರು, ರಾಷ್ಟ್ರಕೂಟರು, ಗುಪ್ತರಿಂದ ಆಧುನಿಕ ಕಾಲದಲ್ಲಿ ಬುಂದೇಲ್, ಹೋಲ್ಕರ್, ಮೊಘಲ್, ಸಿಂಧಿಗಳು ಸುಮಾರು ಹದಿನಾಲ್ಕು ರಾಜವಂಶಗಳು ಪರಿಪಾಲಿಸಿವೆ.

ಮಾಳ್ವ ಪ್ರದೇಶದಲ್ಲಿನ ರತ್ಲಾಂನ ಮಹಾಲಕ್ಷ್ಮಿ ಆಲಯಂ ಅತ್ಯಂತ ಸಂಪದ್ಭರಿತವಾದದ್ದು. ಪ್ರತಿವರ್ಷ ದೇಣಿಗೆ ರೂಪದಲ್ಲಿ ಕೋಟ್ಯಂತರ ಹಣ ಸಂಗ್ರಹವಾಗುತ್ತದೆ. ಹೆಸರಿಗೆ ತಕ್ಕಂತೆ ಗರ್ಭಗುಡಿಯಲ್ಲಿ ದೇವರನ್ನು ನೂರು ಕೋಟಿ ಬೆಲೆಬಾಳುವ ಆಭರಣಗಳಿಂದ ಅಲಂಕರಿಸುತ್ತಾರೆ. ಬಂಗಾರ, ಬೆಳ್ಳಿ ರೂಪದಲ್ಲಿ ಬರುವ ದೇಣಿಗೆಯನ್ನು ಭಕ್ತರಿಗೆ ಪ್ರಸಾದ ರೂಪದಲ್ಲಿ ನೀಡಲಾಗುತ್ತದೆ.

ಈ ಆಲಯವನ್ನು ದರ್ಶಿಸಿಕೊಳ್ಳಲು, ದೇವಿಯ ಪ್ರಸಾದ ಸ್ವೀಕರಿಸಲು ದೇಶದ ಮೂಲೆಮೂಲೆಗಳಿಂದ ಭಕ್ತರು ಹರಿದುಬರುತ್ತಾರೆ. ಮುಖ್ಯವಾಗಿ ಪ್ರತಿವರ್ಷ ದೀಪಾವಳಿ ಸಂದರ್ಭದಲ್ಲಿ ಮೂರು ದಿನಗಳ ಕಾಲ ನಡೆಯುವ ಉತ್ಸವಗಳಲ್ಲಿ ಭಕ್ತರು ಲಕ್ಷಗಳ ಸಂಖ್ಯೆಯಲ್ಲಿ ಪಾಲ್ಗೊಳ್ಳುತ್ತಾರೆ. ಈ ಮೂರು ದಿನಗಳ ಕಾಲ ಭೇಟಿ ನೀಡುವವರಿಗೆಲ್ಲ ಇಲ್ಲ ಎನ್ನದೆ ಸ್ವಲ್ಪ ಬಂಗಾರ, ಬೆಳ್ಳಿ ಪ್ರಸಾದವನ್ನು ನೀಡುತ್ತಾರೆ. ದೇವಿಯ ಪ್ರಸಾದವಾಗಿ ಲಭಿಸುವ ಬಂಗಾರ, ಬೆಳ್ಳಿಯನ್ನು ತಮ್ಮ ಮನೆಯಲ್ಲಿ ಇಟ್ಟುಕೊಂಡರೆ ಲಕ್ಷ್ಮಿ ಅಲ್ಲೇ ನೆಲೆಸುತ್ತಾಳೆ ಎಂಬ ನಂಬಿಕೆ ಭಕ್ತರದು.

ಅಷ್ಟೇ ಅಲ್ಲದೆ ಬಂಗಾರ, ಬೆಳ್ಳಿಯನ್ನು ಪ್ರಸಾದ ರೂಪದಲ್ಲಿ ನೀಡುವ ದೇಶದಲ್ಲಿನ ಏಕೈಕ ಆಲಯ ಇದು. ಅದೇ ರೀತಿ ದೀಪಾವಳಿ ಉತ್ಸವಗಳ ಸಮಯದಲ್ಲಿ ಭಕ್ತರು ತಮ್ಮ ಬಳಿ ಇರುವ ಬೆಲೆಬಾಳುವ ಆಭರಣಗಳನ್ನು ಆಲಯ ಪೂಜಾರಿಗೆ ಕೊಟ್ಟು ಗರ್ಭಗುಡಿಯಲ್ಲಿ ಮೂರು ದಿನಗಳ ಕಾಲ ಇಡುತ್ತಾರೆ. ಈ ರೀತಿ ಮಾಡಿದರೆ ಶುಭವಾಗುತ್ತದೆ ಎಂಬ ನಂಬಿಕೆ ಇದೆ.

ಭಕ್ತರು ನೀಡುವ ಆಭರಣಗಳನ್ನು ನೋಂದಾಯಿಸಿಕೊಂಡು ಧನ ತ್ರಯೋಧಶಿಯಿಂದ ದೀಪಾವಳಿವರೆಗೂ ಮೂರು ದಿನಗಳ ಕಾಲ ಭದ್ರವಾಗಿ ಇಡಲಾಗುತ್ತದೆ. ಉತ್ಸವದ ಸಮಯದಲ್ಲಿ ಅತ್ಯಂತ ಕಟ್ಟುನಿಟ್ಟಾದ ಭದ್ರತೆಯ ವ್ಯವಸ್ಥೆ ಮಾಡಿರುತ್ತಾರೆ. ಭಕ್ತರು ತಮ್ಮ ಆಭರಣಗಳನ್ನು ಆಲಯದಲ್ಲಿ ಇಡುವ ಸಂಪ್ರದಾಯ ದಶಕಗಳ ಕಾಲದಿಂದಲೂ ಮುಂದುವರೆದುಕೊಂಡು ಬಂದಿದೆ.

About admin

Check Also

ಪಂಡಿತ್ ಸುದರ್ಶನ ಭಟ್ ದೈವಜ್ಞ ಜ್ಯೋತಿಷ್ಯರು ಅವರಿಂದ ಈ ದಿನದ ರಾಶಿ ಭವಿಷ್ಯ..!

ಪಂಡಿತ್ ಸುದರ್ಶನ ಭಟ್ ದೈವಜ್ಞ ಜ್ಯೋತಿಷ್ಯರು ಆಧ್ಯಾತ್ಮಿಕ ಚಿಂತಕರು 9663542672 ನಿಮ್ಮ ಜೀವನದ ಸಮಸ್ಯೆಗಳಿಗೆ ಪರಿಹಾರ ತಿಳಿಯಲು  ಹಾಗೂ ನಿಮ್ಮ ಮನಸ್ಸಿನಲ್ಲಿ …

Leave a Reply

Your email address will not be published. Required fields are marked *